ಹೂಡಿಕೆಯಲ್ಲಿ ತುಂಬಾ ಆಯ್ಕೆಗಳು ಇದ್ದರೆ ಗೊಂದಲ ಮತ್ತು ನಿರ್ಧಾರ ಕೈಗೊಳ್ಳದ ಸ್ಥಿತಿ ಉಂಟಾಗಬಹುದು. ಈ ಲೇಖನದಲ್ಲಿ decision fatigue ಹೇಗೆ ಮ್ಯೂಚುವಲ್ ಫಂಡ್ ಆಯ್ಕೆಗಳನ್ನು ಪ್ರಭಾವಿಸುತ್ತದೆ ಮತ್ತು ಸರಿಯಾದ ಮಾರ್ಗದರ್ಶನ ಏಕೆ ಮುಖ್ಯ ಎಂಬುದನ್ನು ನೋಡೋಣ.
ಕಳೆದ ಭಾನುವಾರ, ನಾನು ನನ್ನ ಕುಟುಂಬದೊಂದಿಗೆ ಒಂದು ಸಿನಿಮಾ ನೋಡಲು ಕುಳಿತಿದ್ದೆ. ಇಂದಿನ ಬ್ಯುಸಿ ಜೀವನದಲ್ಲಿ ಕುಟುಂಬದ ಜೊತೆ ಸಮಯ ಕಳೆಯುವುದು ಕಷ್ಟವಾಗುತ್ತದೆ, ಅಲ್ಲವೇ? ಈ ಬಾರಿ ನಾವು ಖಚಿತವಾಗಿ ಸಂಜೆ ಸಮಯವನ್ನು ಒಟ್ಟಿಗೆ ಸಿನಿಮಾ ನೋಡೋಣ ಎಂದು ನಿರ್ಧರಿಸಿದ್ದೆವು.
ಆದರೆ ಏನಾಯ್ತು ಗೊತ್ತಾ?
ಸುಮಾರು 45 ನಿಮಿಷಗಳಷ್ಟು ಹುಡುಕಿದರೂ, ನಾವು ಯಾವ ಸಿನಿಮಾ ನೋಡಬೇಕು ಎಂಬುದನ್ನು ತೀರ್ಮಾನಿಸಲಾಗಲಿಲ್ಲ! ನಮಗೆ ಲೈಟ್ ಆಗಿರುವ, ಹ್ಯಾಪಿ ಎಂಡಿಂಗ್ ಇರುವ ಸಿನಿಮಾ ಬೇಕಿತ್ತು. ಆದರೆ OTT ಪ್ಲಾಟ್‌ಫಾರ್ಮ್‌ಗಳಲ್ಲಿ ಇರುವ ಅನೇಕ ಆಯ್ಕೆಗಳು ನಮ್ಮನ್ನು ಗೊಂದಲಕ್ಕೀಡುಮಾಡಿದವು. ಕೇವಲ ಮೂರು ಪ್ಲಾಟ್‌ಫಾರ್ಮ್‌ಗಳ subscription ಇದ್ದರೂ, ನಾವು ಆಯ್ಕೆ ಮಾಡಲಾಗಲಿಲ್ಲ. ಕೊನೆಗೆ ಬೇಸರದಿಂದ, ಸಿನಿಮಾ ನೋಡುವ ಆಲೋಚನೆಯನ್ನೇ ಬಿಟ್ಟುಬಿಟ್ಟೆವು.
ಈ ಅನುಭವ ನನಗೆ ನಾನು ಇತ್ತೀಚೆಗೆ ಓದಿದ್ದ ಒಂದು ವಿಷಯವನ್ನು ನೆನಪಿಸಿತು.
ಅದು ತುಂಬಾ ಆಯ್ಕೆಗಳು ಇದ್ದಾಗ ನಿರ್ಧಾರ ತೆಗೆದುಕೊಳ್ಳುವುದು ಕಷ್ಟವಾಗುತ್ತದೆ ಎಂಬುದನ್ನು ವಿವರಿಸುವ ಅಧ್ಯಯನ. ಇದನ್ನು decision fatigue ಎಂದು ಕರೆಯುತ್ತಾರೆ.
ಆಯ್ಕೆಗಳ ಸಂಖ್ಯೆ ಒಂದು ಮಟ್ಟಕ್ಕಿಂತ ಹೆಚ್ಚು ಆಗಿದರೆ, ಜನರು ನಿರ್ಧಾರ ತೆಗೆದುಕೊಳ್ಳುವುದಕ್ಕಿಂತ ಅದನ್ನು ಸಂಪೂರ್ಣವಾಗಿ ಬಿಟ್ಟುಬಿಡುತ್ತಾರೆ.
Decision fatigue ಹಣಕಾಸಿನ ನಿರ್ಧಾರಗಳನ್ನು ಹೇಗೆ ಪ್ರಭಾವಿಸುತ್ತದೆ?
ನಾನು 20 ವರ್ಷಗಳ ನನ್ನ ವೃತ್ತಿಜೀವನದಲ್ಲಿ ಇದನ್ನು ಅನೇಕ ಬಾರಿ ಇದನ್ನು ಗಮನಿಸಿದ್ದೇನೆ.
40 ಕ್ಕಿಂತ ಹೆಚ್ಚು ಮ್ಯೂಚುವಲ್ ಫಂಡ್ ಕಂಪನಿಗಳಿವೆ. ಪ್ರತಿ ಕಂಪನಿಗೂ SEBI ವರ್ಗೀಕರಣದ ಪ್ರಕಾರ ಹಲವಾರು ಯೋಜನೆಗಳಿವೆ. ಯೋಜನೆಗಳ ಸಂಖ್ಯೆ ತುಂಬಾ ಇದೆ. ಆದರೆ ಅವುಗಳಲ್ಲಿ ಅನೇಕವು thematic, sectoral ಅಥವಾ ಮಾರುಕಟ್ಟೆ ಟ್ರೆಂಡ್ ಆಧಾರಿತವಾಗಿವೆ. ಇಷ್ಟು ಯೋಜನೆಗಳು ಬೇಕೇ ಬೇಡವೇ ಎಂಬುದು ಬೇರೆ ವಿಚಾರ.
ನಾನು ಗಮನಿಸಿದಂತೆ, ಇಷ್ಟು ಮ್ಯೂಚುವಲ್ ಫಂಡ್ ಆಯ್ಕೆಗಳು ಇದ್ದಾಗ ಹೊಸ ಹೂಡಿಕೆದಾರರು ಗೊಂದಲಕ್ಕೀಡಾಗುತ್ತಾರೆ. ಅವರು “ಮ್ಯೂಚುವಲ್ ಫಂಡ್‌ನಲ್ಲಿ ಹೂಡಿಕೆ ಮಾಡುವುದು ಸರಿಯೇ?” ಎಂದು ಯೋಚಿಸುತ್ತಾರೆ. ಈ ಅನುಮಾನವೇ ಅವರನ್ನು ಹಿಂದೆ ತಳ್ಳುತ್ತದೆ. ಕೊನೆಯಲ್ಲಿ ಅವರು ಮತ್ತೆ ಹಳೆಯ, ಪರಿಚಿತ ಹೂಡಿಕೆ ಮಾರ್ಗಗಳ ಕಡೆಗೆ ಮರಳುತ್ತಾರೆ.
ಜನರಿಗೆ ಮ್ಯೂಚುವಲ್ ಫಂಡ್ ಬಗ್ಗೆ ತಿಳಿದುಕೊಳ್ಳುವ ಆಸಕ್ತಿ ಇರುತ್ತದೆ. ಅವರು ಲೇಖನಗಳನ್ನು ಓದುತ್ತಾರೆ, ವಿಡಿಯೋಗಳನ್ನು ನೋಡುತ್ತಾರೆ, ಕೆಲವರು influencersಗಳನ್ನು ಫಾಲೋ ಮಾಡುತ್ತಾರೆ.
ಆದರೆ ಸಮಯದ ಅಭಾವ, ಜಟಿಲತೆ ಮತ್ತು ಮ್ಯೂಚುವಲ್ ಫಂಡ್ ಜಗತ್ತು ದೊಡ್ಡದು ಆದ ಕಾರಣ, ಮಾರ್ಗದರ್ಶನ ಇಲ್ಲದೆ ಅದನ್ನು ಅರ್ಥಮಾಡಿಕೊಳ್ಳುವುದು ಕಷ್ಟ. ಇದರಿಂದ ಗೊಂದಲ ಉಂಟಾಗುತ್ತದೆ. ಸರಿಯಾದದ್ದೋ ತಪ್ಪೋ ಎಂಬುದೇ ಗೊತ್ತಾಗದೆ, ನಿರ್ಧಾರ ತೆಗೆದುಕೊಳ್ಳಲು ಆಗುವುದಿಲ್ಲ.
ಅಂತಿಮವಾಗಿ decision fatigue ನಿಂದಾಗಿ ಹಣ ಹೂಡಿಕೆಯನ್ನೇ ಕೈ ಬಿಡುತ್ತಾರೆ.
ಇಲ್ಲಿ ಮಾರ್ಗದರ್ಶಿಯ ಮಹತ್ವ
ಇಲ್ಲಿಯೇ ಮಾರ್ಗದರ್ಶಿಯ ಪಾತ್ರ ಮುಖ್ಯವಾಗುತ್ತದೆ. ಭಾರತದಲ್ಲಿ ನಾವು ಇದನ್ನು “ಗುರು” ಎಂದು ಕರೆಯುತ್ತೇವೆ. PhD ಮಾಡುವುದು ಆಗಲಿ, ವ್ಯವಹಾರ ಆರಂಭಿಸುವುದು ಆಗಲಿ ಅಥವಾ ಕ್ರೀಡೆಯಲ್ಲಿ ಸಾಧನೆ ಮಾಡುವುದು ಆಗಲಿ ಸರಿಯಾದ ಮಾರ್ಗದರ್ಶನ ಅಮೂಲ್ಯ.
ಮಾರ್ಗದರ್ಶನ ಇಲ್ಲದೇ ಕೂಡ ಯಶಸ್ಸು ಸಾಧ್ಯ. ಆದರೆ ಅದಕ್ಕೆ ಹೆಚ್ಚು ಸಮಯ ಮತ್ತು ಪ್ರಯತ್ನ ಬೇಕಾಗುತ್ತದೆ. ಹಾಗೆ ಹಣಕಾಸು ಯೋಜನೆಯಲ್ಲಿ ಕೂಡ DIY ವಿಧಾನ ಕಷ್ಟಕರ.
ಇಂದಿನ ಕಾಲದಲ್ಲಿ ಆಯ್ಕೆಗಳು ತುಂಬಾ ಇವೆ. DIYಗೆ ಒಂದು ಬೆಲೆ ಇರುತ್ತದೆ. ನಿಮ್ಮ ಪರಿಶ್ರಮದ ಹಣದಲ್ಲಿ ಅಪಾಯ ತೆಗೆದುಕೊಳ್ಳುವುದು ಸೂಕ್ತವಲ್ಲ. ಆದರೆ ಅನುಭವ ಮತ್ತು ಜ್ಞಾನ ಹೊಂದಿರುವ ವ್ಯಕ್ತಿಯಿಂದ ಮಾರ್ಗದರ್ಶನ ಸಿಕ್ಕರೆ? ಯಶಸ್ಸಿನ ಸಾಧ್ಯತೆ ಹೆಚ್ಚುತ್ತದೆ
Decision fatigue ತಪ್ಪಿಸಲು ಏನು ಮಾಡಬೇಕು?
ಈ ಪ್ರಕ್ರಿಯೆಯನ್ನು ಅನುಸರಿಸಿದರೆ ಸುಲಭವಾಗುತ್ತದೆ:
ಮೊದಲು ನಿಮ್ಮ ಗುರಿಯನ್ನು ಗುರುತಿಸಿ. ಹಣ ಏಕೆ ಬೇಕು ಎಂದು ಪಟ್ಟಿ ಮಾಡಿ
ಉದಾಹರಣೆಗೆ, ಮಕ್ಕಳ ಶಿಕ್ಷಣ, ಮನೆ ಖರೀದಿ, ಪ್ರವಾಸ, ನಿವೃತ್ತಿ ಅಥವಾ ವ್ಯವಹಾರ. ನಂತರ ಅವಧಿಯನ್ನು ನಿರ್ಧರಿಸಿ. ಈ ಹಣ ಯಾವಾಗ ಬೇಕು ಎಂದು ಖಚಿತಪಡಿಸಿಕೊಳ್ಳಿ?
ಈ ಪ್ರಕ್ರಿಯೆಯನ್ನು ನಾವು ಗುರಿಗಳನ್ನು ಗುರುತಿಸುವುದು ಮತ್ತು ಅವುಗಳನ್ನು ಕಿರು, ಮಧ್ಯಮ ಮತ್ತು ದೀರ್ಘ ಅವಧಿಯಾಗಿ ವಿಭಜಿಸುವುದು ಎಂದು ಕರೆಯುತ್ತೇವೆ.
ನಂತರ ಪ್ರತಿಯೊಂದು ಗುರಿಗೆ ಸೂಕ್ತ ಹೂಡಿಕೆ ಆಯ್ಕೆ ಮಾಡಿ.
ಅಂತಿಮ ಹಂತದಲ್ಲಿ ನಿಮ್ಮ ಗುರಿ ಮತ್ತು ಅವಧಿಗೆ ಅನುಗುಣವಾಗಿ ಸರಿಯಾದ ಮ್ಯೂಚುವಲ್ ಫಂಡ್ ಆಯ್ಕೆ ಮಾಡಿ. ಮ್ಯೂಚುವಲ್ ಫಂಡ್‌ಗಳನ್ನು ಸಾಮಾನ್ಯವಾಗಿ debt, hybrid ಮತ್ತು equity ಎಂದು ವಿಭಾಗಿಸಬಹುದು.
ಕಿರು ಅವಧಿಗೆ — debt ಫಂಡ್‌ಗಳು
ಮಧ್ಯಮ ಅವಧಿಗೆ — hybrid ಫಂಡ್‌ಗಳು
ದೀರ್ಘಾವಧಿಗೆ — equity ಫಂಡ್‌ಗಳು
ಸರಳತೆ ಉತ್ತಮ ನಿರ್ಧಾರಕ್ಕೆ ದಾರಿ ಮಾಡುತ್ತದೆ. ನಿಮ್ಮ ಗುರಿ ಮತ್ತು ನಿರಂತರ ಹೂಡಿಕೆ ತಂತ್ರದ ಮೇಲೆ ಗಮನಕೊಡಿ. ಹೀಗೆ ಮಾಡಿದರೆ ಆತ್ಮವಿಶ್ವಾಸದಿಂದ ಮತ್ತು ಒತ್ತಡವಿಲ್ಲದೆ ನಿರ್ಧಾರ ತೆಗೆದುಕೊಳ್ಳಬಹುದು.
ಆದರೆ ಯೋಚಿಸಿ ಇಷ್ಟು ಆಯ್ಕೆಗಳ ನಡುವೆ ಮುಳುಗುವುದಕ್ಕಿಂತ, ಸರಿಯಾದ ಮಾರ್ಗದರ್ಶನ ಸಿಕ್ಕರೆ? ಒಳ್ಳೆಯ ಸಲಹೆಗಾರನು ಈ ಎಲ್ಲ ಆಯ್ಕೆಗಳನ್ನು ಸರಳಗೊಳಿಸಿ, ದೀರ್ಘಕಾಲದಲ್ಲಿ ಉತ್ತಮ ಫಲಿತಾಂಶ ಪಡೆಯಲು ಸಹಾಯ ಮಾಡುತ್ತಾನೆ.
ನಾವು ಸಿನಿಮಾ ಆಯ್ಕೆ ಮಾಡುವಾಗ ಒಳ್ಳೆಯ recommendation ಇದ್ದರೆ ಹೇಗೆ ಸುಲಭವಾಗುತ್ತದೆ? ಹಾಗೆಯೇ, ಸರಿಯಾದ ಹಣಕಾಸು ಸಲಹೆಗಾರನು ಗೊಂದಲವನ್ನು ಕಡಿಮೆ ಮಾಡುತ್ತಾನೆ. ನಿಮ್ಮ ಗುರಿ, ಅಪಾಯ ಸಾಮರ್ಥ್ಯ ಮತ್ತು ಪರಿಸ್ಥಿತಿಗೆ ಅನುಗುಣವಾಗಿ ಆಯ್ಕೆಗಳನ್ನು ನೀಡುತ್ತಾನೆ.
ಕೊನೆಯ ಪಾಠ
ಸಿನಿಮಾ ಆಯ್ಕೆ ಮಾಡೋದು ಆಗಲಿ, ಹೂಡಿಕೆ ಆಯ್ಕೆ ಮಾಡೋದು ಆಗಲಿ ಪಾಠ ಒಂದೇ:
ಕಡಿಮೆ ಆಯ್ಕೆಗಳು + ಸರಿಯಾದ ಮಾರ್ಗದರ್ಶನ = ಉತ್ತಮ ನಿರ್ಧಾರ
ಉಲ್ಲೇಖಗಳು:
Shreedhara is the Founder & Director of Ara Financial Services Pvt. Ltd. He has an experience of over 2 decades in Financial Service Industry with majority of it in guiding individuals and institutions on their investments requirements.
