ಮಾರುಕಟ್ಟೆಗಳು ಚಕ್ರದಂತೆ ಚಲಿಸುತ್ತವೆ. ಆದರೆ ಶಿಸ್ತಿನ ಆಸ್ತಿ ಹಂಚಿಕೆ (disciplined asset allocation)ಯ ಒಂದು ಹೂಡಿಕೆ ನಿಯಮ ಎಂದಿಗೂ ಬದಲಾಗುವುದಿಲ್ಲ. ಮಾರುಕಟ್ಟೆ ಏರಿದರೂ ಅಥವಾ ಇಳಿದರೂ, ಸರಿಯಾದ ಆಸ್ತಿ ಮಿಶ್ರಣವನ್ನು ಕಾಯ್ದುಕೊಳ್ಳುವುದು ನಿಮ್ಮ ದೀರ್ಘಕಾಲದ ಗುರಿಗಳನ್ನು ರಕ್ಷಿಸುತ್ತದೆ ಮತ್ತು ಇತ್ತೀಚಿನ performanceನಿಂದ ಪ್ರೇರಿತವಾಗುವ ತುರ್ತು ನಿರ್ಧಾರಗಳನ್ನು ತಡೆಯುತ್ತದೆ.
ಹೂಡಿಕೆದಾರರ ಮನಸ್ಥಿತಿ ಎರಡು ತುದಿಗಳು
ಕಳೆದ 12–15 ತಿಂಗಳ ಇಕ್ವಿಟಿ ಮಾರುಕಟ್ಟೆ ಪ್ರಯಾಣದಲ್ಲಿ, ಹೂಡಿಕೆದಾರರಲ್ಲಿ ಮಿಶ್ರ ಭಾವನೆಗಳನ್ನು ನೋಡುತ್ತಿದ್ದೇನೆ. ಹಲವರು ಇಕ್ವಿಟಿ ಲಾಭದಿಂದ ಅಸಂತೃಪ್ತರಾಗಿದ್ದಾರೆ. “ನನಗೆ ಲಾಭವಾಗುತ್ತಿಲ್ಲ” ಅಥವಾ “ನನ್ನ ಲಾಭ ನೆಗೆಟಿವ್ ಇದೆ” ಎಂಬ ಮಾತುಗಳನ್ನು ನಾನು ಪದೇ ಪದೇ ಕೇಳುತ್ತೇನೆ. ಕೆಲವರು ಫಿಕ್ಸ್ಡ್ ರಿಟರ್ನ್ ಉತ್ಪನ್ನಗಳಲ್ಲಿ ಹೂಡಿಕೆ ಮಾಡಿದ್ದರೆ ಚೆನ್ನಾಗಿತ್ತೇ ಎಂದು ಕೂಡ ಭಾವಿಸುತ್ತಾರೆ.
ಇನ್ನೊಂದು ಕಡೆ, ಕಳೆದ ಕೇವಲ 4–5 ವರ್ಷಗಳ ಹೂಡಿಕೆ ಅನುಭವ ಹೊಂದಿರುವ ಮತ್ತೊಂದು ಗುಂಪು ಇದೆ. ಇವರೂ ಇದೇ ರೀತಿಯ ಅನುಭವವನ್ನು ಹೊಂದಿದ್ದರೂ, ಅವರು ಹಣಕಾಸು ಯೋಜನೆಯ ಮೂಲ ತತ್ವಗಳನ್ನು ಕಡೆಗಣಿಸಲು ಸಿದ್ಧರಾಗಿದ್ದಾರೆ. ಇತ್ತೀಚಿನ ಉತ್ತಮ ಪ್ರದರ್ಶನದ ಆಧಾರದ ಮೇಲೆ, ತಮ್ಮ ಕಡಿಮೆ ಅಪಾಯದ ಹಂಚಿಕೆಯನ್ನು ಹೆಚ್ಚಿನ ಅಪಾಯದ ಆಸ್ತಿಗಳಾದ ಇಕ್ವಿಟಿ ಅಥವಾ ಚಿನ್ನದತ್ತ ವರ್ಗಾಯಿಸಲು ಯೋಚಿಸುತ್ತಿದ್ದಾರೆ.
ಯಾವುದೇ ಹೂಡಿಕೆದಾರನ ಗುರಿ ಹಣದಿಂದ ಹಣ ಗಳಿಸುವುದಾಗಿರುತ್ತದೆ.
ಆದರೆ ಇದನ್ನು ಸಾಧಿಸಲು ಹಣಕಾಸು ಯೋಜನೆ, ಆಸ್ತಿ ಹಂಚಿಕೆ, ಹೂಡಿಕೆ ಶಿಸ್ತು ಅಗತ್ಯವಾದುದು.
ಸರಿಯಾದ ಪೋರ್ಟ್ಫೋಲಿಯ ರಚನೆ ಹೇಗಿರುತ್ತದೆ
ಪೋರ್ಟ್ಫೋಲಿಯೊವನ್ನು ಗುರಿಗಳ ಅವಧಿಗೆ ಅನುಗುಣವಾಗಿ ಸರಿಯಾಗಿ ವಿನ್ಯಾಸಗೊಳಿಸಲಾಗುತ್ತದೆ
ಕಿರು ಅವಧಿ ಗುರಿಗಳಿಗೆ
FD, ಲಿಕ್ವಿಡ್ ಫಂಡ್, ಆರ್ಬಿಟ್ರಾಜ್ ಫಂಡ್ ಕಡಿಮೆ ಅಪಾಯ, ಕಡಿಮೆ ಲಾಭ
ಮಧ್ಯಮ ಅವಧಿಗೆ
ಡೈನಾಮಿಕ್ ಆಸ್ತಿ ಹಂಚಿಕೆ ಫಂಡ್ ಅಥವಾ ಡೆಟ್ ಫಂಡ್
ದೀರ್ಘಾವಧಿಗೆ
ಇಕ್ವಿಟಿ ಫಂಡ್, ಮಲ್ಟಿ-ಆಸ್ತಿ ಫಂಡ್, ಗೋಲ್ಡ್ ಫಂಡ್ ಹೆಚ್ಚು ಅಪಾಯ, ಹೆಚ್ಚು ಲಾಭ
ಒಟ್ಟಿನಲ್ಲಿ, ನಾವು ಸ್ಥಿರತೆ ಮತ್ತು ವೃದ್ಧಿಯ ಸಮತೋಲನಕ್ಕಾಗಿ ಸೂಕ್ತ ಆಸ್ತಿ ಮಿಶ್ರಣವನ್ನು ಆಯ್ಕೆ ಮಾಡುತ್ತೇವೆ.
ಜಾಗತಿಕ ಮಟ್ಟದಲ್ಲೂ ಇದೇ ಧೋರಣೆ
ಹಲವಾರು ಹಣಕಾಸು ಯೋಜನೆಗಳಲ್ಲಿ 60–70% ವರೆಗೆ ಲಾರ್ಜ್ ಕ್ಯಾಪ್ ಹೂಡಿಕೆ ಇರುತ್ತದೆ.
ಇತ್ತೀಚೆಗೆ ಅಮೆರಿಕಾದ “Magnificent Seven” ಕಂಪನಿಗಳು ಅತ್ಯುತ್ತಮ ಪ್ರದರ್ಶನ ನೀಡಿವೆ. ಆದರೆ ಭಾರತದಲ್ಲಿ ವಿರುದ್ಧ ಪರಿಸ್ಥಿತಿ ಲಾರ್ಜ್ ಕ್ಯಾಪ್ಗಳು ಮಾರುಕಟ್ಟೆಗೆ ಹೋಲಿಸಿದರೆ ಕಡಿಮೆ ಪ್ರದರ್ಶನ ನೀಡಿವೆ.
ಕೋವಿಡ್ ನಂತರದ ಅತಿಯಾದ ಆತ್ಮವಿಶ್ವಾಸ
ಕೋವಿಡ್ ನಂತರದ ಮಾರುಕಟ್ಟೆ ಏರಿಕೆಯಿಂದ ಇಕ್ವಿಟಿ ಫಂಡ್ಗಳು ಅಸಾಮಾನ್ಯ ಲಾಭ ನೀಡಿವೆ. ಇದರಿಂದ ಹೊಸ ಹೂಡಿಕೆದಾರರಲ್ಲಿ ಅತಿಯಾದ ಆತ್ಮವಿಶ್ವಾಸ ಮತ್ತು ಅಸಾಧಾರಣ ನಿರೀಕ್ಷೆಗಳು ಹುಟ್ಟಿಕೊಂಡಿವೆ.
ಮಿಡ್ ಮತ್ತು ಸ್ಮಾಲ್ ಕ್ಯಾಪ್ ಫಂಡ್ಗಳಲ್ಲಿ ಹೂಡಿಕೆ ಮಾಡಿದವರು 18%+ ಲಾಭ ಕಂಡಿದ್ದಾರೆ. ಅದೇ ಸಮಯದಲ್ಲಿ ಲಾರ್ಜ್ ಕ್ಯಾಪ್ಗಳು ಕಡಿಮೆ ಡಬಲ್ ಡಿಜಿಟ್ ಲಾಭ ನೀಡಿವೆ.
ಮಾನವ ಸ್ವಭಾವದಂತೆ, ನಾವು ಇತ್ತೀಚಿನ ಉತ್ತಮ ಪ್ರದರ್ಶನವನ್ನು ಮಾತ್ರ ನೆನಪಿಡುತ್ತೇವೆ.
ಇದರ ಪರಿಣಾಮವಾಗಿ
ಇಕ್ವಿಟಿಯೇ ಉತ್ತಮ ಆಸ್ತಿ ಎಂದು ಭಾವನೆ
ಮಿಡ್ & ಸ್ಮಾಲ್ ಕ್ಯಾಪ್ಗಳೇ ಹಣ ಗಳಿಸುವ ಮಾರ್ಗ ಎಂದು ನಂಬಿಕೆ
ಕೆಲವರು ಡೆಟ್ ಹೂಡಿಕೆಯನ್ನು ಕೂಡ ಇಕ್ವಿಟಿಗೆ ವರ್ಗಾಯಿಸಲು ಸಿದ್ಧರಾಗಿದ್ದಾರೆ
ಇದು ಅಪಾಯಕರ ಧೋರಣೆ.
ಸಾಮಾನ್ಯ ತಪ್ಪು
ಸಂಪತ್ತು ನಿರ್ಮಾಣವು ಕೇವಲ ಮಾರುಕಟ್ಟೆಯಲ್ಲಿ ಭಾಗವಹಿಸುವುದರಿಂದ ಆಗುವುದಿಲ್ಲ. ಅದು ಶಿಸ್ತಿನ ಹಣಕಾಸು ಯೋಜನೆ, ಗುರಿ ಆಧಾರಿತ ಹೂಡಿಕೆ, ಸರಿಯಾದ ಆಸ್ತಿ ಹಂಚಿಕೆಗಳ ಮೇಲೆ ಅವಲಂಬಿತವಾಗಿದೆ.
ಆಸ್ತಿ ಹಂಚಿಕೆ ಬದಲಾಗಬೇಕಾದದ್ದು ನಿಮ್ಮ ಆದಾಯ ಬದಲಾಗಿದಾಗ ಮತ್ತು ನಿಮ್ಮ ಗುರಿಗಳು ಬದಲಾಗಿದಾಗ. ಆದರೆ ಇತ್ತೀಚಿನ performanceನ ಆಧಾರದ ಮೇಲೆ ಅಲ್ಲ.
ಹೂಡಿಕೆದಾರರಿಗಾಗಿ ಮುಖ್ಯ ಸಂದೇಶ
ಇತ್ತೀಚಿನ ಉತ್ತಮ ಪ್ರದರ್ಶನದ ಆಸ್ತಿಗೆ ಸಂಪೂರ್ಣ ಹಣ ವರ್ಗಾಯಿಸುವುದು
ಕಡಿಮೆ ಪ್ರದರ್ಶನದ ಫಂಡ್ ಬಿಟ್ಟು ಹೊಸ “ಸ್ಟಾರ್ ಫಂಡ್” ಗೆ ಹೋಗುವುದು
ಇವು ಅಪಾಯಕರ ಮತ್ತು ಫಲಿತಾಂಶ ನೀಡದ ಕ್ರಮಗಳು.
ಅಂತಹ ಸಮಯದಲ್ಲಿ ಉತ್ತಮ ಮಾರ್ಗ ಎಂದರೆ
ಶಿಸ್ತಿನಿಂದ ಇರುವುದು
ಆಸ್ತಿ ಹಂಚಿಕೆಯನ್ನು ಕಾಪಾಡುವುದು
ಹಣಕಾಸು ಯೋಜನೆಗೆ ನಿಷ್ಠರಾಗಿರುವುದು
ಸಮಯಕ್ಕೆ ತಕ್ಕಂತೆ ಲಾಭವನ್ನು ಬುಕ್ ಮಾಡುವುದು
ದೀರ್ಘಕಾಲದ ಹಣಕಾಸು ಯಶಸ್ಸಿಗೆ
ಶಿಸ್ತು ಮುಖ್ಯ, ಉತ್ಸಾಹ short term excitement ಅಲ್ಲ
Shreedhara is the Founder & Director of Ara Financial Services Pvt. Ltd. He has an experience of over 2 decades in Financial Service Industry with majority of it in guiding individuals and institutions on their investments requirements.
