ಇಪ್ಪತ್ತು ವರ್ಷಕ್ಕೂ ಹೆಚ್ಚು ಕಾಲ ಗ್ರಾಹಕರ ಸಂಪತ್ತನ್ನು ನಿರ್ವಹಿಸಿದ ಅನುಭವದಲ್ಲಿ, ಹೂಡಿಕೆದಾರರು ಕೇಳುವ ಪ್ರಶ್ನೆಗಳು ಬಹಳ ಬದಲಾಗಿದೆ ಎಂದು ನನಗೆ ಅನಿಸುತ್ತದೆ. ಆದರೆ ಒಂದು ಪ್ರಶ್ನೆ ಇನ್ನೂ ಸಾಮಾನ್ಯವಾಗಿದೆ: “ನನ್ನ ಕೆಲವು ಮ್ಯೂಚುಯಲ್ ಫಂಡ್ ಯೋಜನೆಗಳು ಏಕೆ ಕಡಿಮೆ ಬೆಳವಣಿಗೆ ತೋರಿಸುತ್ತಿವೆ?”
ಈ ಪ್ರಶ್ನೆ ಸಾಮಾನ್ಯವಾಗಿ, ಇತ್ತೀಚೆಗೆ ಉತ್ತಮ ಪ್ರದರ್ಶನ ನೀಡದ ಯೋಜನೆ A ಯಿಂದ, ಟಾಪ್ ಪರ್ಫಾರ್ಮರ್ ಆಗಿ ಕಾಣುವ ಯೋಜನೆ B ಗೆ ಬದಲಾಯಿಸುವ ತುರ್ತು ಕಾರ್ಯಕ್ಕೆ ಕಾರಣವಾಗುತ್ತದೆ.
ಮೊದಲ ದೃಷ್ಟಿಗೆ ಈ ಯೋಚನೆ ಸಮಂಜಸವಾಗಿ ಕಾಣುತ್ತದೆ. ಏನಾದರೂ ಚೆನ್ನಾಗಿ ಕೆಲಸ ಮಾಡದಿದ್ದರೆ, ಚೆನ್ನಾಗಿ ಕೆಲಸ ಮಾಡುತ್ತಿರುವುದಕ್ಕೆ ಏಕೆ ಬದಲಾಯಿಸಬಾರದು?
ಸಮಸ್ಯೆ ಏನೆಂದರೆ, ಈ ಪ್ರೇರಣೆ ಸಾಮಾನ್ಯವಾಗಿ “ಅಂಡರ್ಪರ್ಫಾರ್ಮೆನ್ಸ್” ಗೆ ಕಾರಣವೇನು ಎಂಬುದನ್ನು ಪರಿಗಣಿಸುವುದಿಲ್ಲ. ಆದರೆ, ಪ್ರತಿಯೊಂದು ಕಡಿಮೆ ಪ್ರದರ್ಶನಕ್ಕೂ ನಾವು ಕ್ರಮ ತೆಗೆದುಕೊಳ್ಳಬೇಕೆಂದಿಲ್ಲ.
ಅಂಡರ್ಪರ್ಫಾರ್ಮೆನ್ಸ್ನ ಕಾರಣಗಳನ್ನು ಅರ್ಥಮಾಡಿಕೊಳ್ಳುವುದು
1. ಪಾಯಿಂಟ್-ಟು-ಪಾಯಿಂಟ್ ಪ್ರದರ್ಶನ
ಇದು ಅತ್ಯಂತ ಸಾಮಾನ್ಯ ಕಾರಣ. ನೀವು ಹೂಡಿಕೆ ಮಾಡಿದ ದಿನದಿಂದ ವಿಮರ್ಶೆ ಮಾಡಿದ ದಿನದವರೆಗೆ ಲಾಭವನ್ನು ಅಳೆಯುವುದು.
ನಿಮ್ಮ ಹೂಡಿಕೆ ಲಂಪ್ಸಮ್ ಆಗಿರಲಿ ಅಥವಾ SIP ಮೂಲಕವಾಗಿರಲಿ, ವಿಮರ್ಶೆ ಮಾಡಿದ ದಿನವೂ ಹೂಡಿಕೆ ಮಾಡಿದ ದಿನದಷ್ಟೇ ಮುಖ್ಯ.
ಲಂಪ್ಸಮ್ ಹೂಡಿಕೆ: ಮಾರುಕಟ್ಟೆಯ ಗರಿಷ್ಠ ಮಟ್ಟದ ಬಳಿ ಹೂಡಿಕೆ ಮಾಡಿದ್ದರೆ, ಒಳ್ಳೆಯ ಫಂಡ್ ಕೂಡ ಕೆಲಕಾಲ ನಿರಾಶಾಜನಕವಾಗಿ ಕಾಣಬಹುದು.
SIP ಹೂಡಿಕೆ: ಒಂದು ದಿನದ ಪರಿಣಾಮ ಕಡಿಮೆಯಾಗಿದ್ದರೂ, ಹೆಚ್ಚಿನ SIP ಕಂತುಗಳು ಯಾವ ಮಾರುಕಟ್ಟೆ ಹಂತದಲ್ಲಿ ಹೂಡಿಕೆಯಾಗಿವೆ ಎಂಬುದು ಮಹತ್ವದ್ದಾಗಿದೆ. ಬಲವಾದ ಬುಲ್ ಹಂತದಲ್ಲಿ ಪ್ರಾರಂಭವಾದ SIP ಗಳು ಮಾರುಕಟ್ಟೆ ಇಳಿಮುಖವಾಗಿರುವಾಗ ನಿಧಾನವಾಗಿ ಕಾಣಬಹುದು.
ಮಾರುಕಟ್ಟೆಗಳು ಚಕ್ರಗಳಲ್ಲಿ ಚಲಿಸುತ್ತವೆ. ಫಂಡ್ಗಳಿಗೂ ಚಕ್ರಗಳಿರುತ್ತವೆ. ಕೆಲವೊಮ್ಮೆ ಅದರ ಹೂಡಿಕೆ ಶೈಲಿ ಅಥವಾ ವಲಯ ತಾತ್ಕಾಲಿಕವಾಗಿ ಜನಪ್ರಿಯವಾಗಿರದೇ ಇರಬಹುದು.
ಹೀಗಾಗಿ ಪಾಯಿಂಟ್-ಟು-ಪಾಯಿಂಟ್ ಅಂಡರ್ಪರ್ಫಾರ್ಮೆನ್ಸ್ ಸಾಮಾನ್ಯವಾಗಿ ಸಮಯ, ಮಾರುಕಟ್ಟೆ ಚಕ್ರ ಅಥವಾ ಫಂಡ್ ಚಕ್ರದ ಪ್ರತಿಬಿಂಬವಾಗಿರುತ್ತದೆ ಹೊರತು ಫಂಡ್ ಗುಣಮಟ್ಟ ಕುಸಿತವನಲ್ಲ.
2. ಷೇರು/ವಲಯ ಆಯ್ಕೆ ನಿರೀಕ್ಷೆಯಂತೆ ಕೆಲಸ ಮಾಡದಿರುವುದು
ಕೆಲವೊಮ್ಮೆ ಫಂಡ್ ಮ್ಯಾನೇಜರ್ ಆಯ್ಕೆ ಮಾಡಿದ ಷೇರುಗಳು ಅಥವಾ ವಲಯಗಳು ನಿರೀಕ್ಷೆಯಂತೆ ಕೆಲಸ ಮಾಡದೇ ಇರಬಹುದು.
5–7 ವರ್ಷಗಳ ಪ್ರದರ್ಶನವೂ ಕೆಲಕಾಲ ದುರ್ಬಲವಾಗಿ ಕಾಣಬಹುದು. ಇಲ್ಲಿ ಹೂಡಿಕೆದಾರನಿಗೆ ಶಿಸ್ತು ಮತ್ತು ಸಹನೆ ಮುಖ್ಯ.
ಫಂಡ್ ಮ್ಯಾನೇಜರ್ ತಪ್ಪನ್ನು ಗುರುತಿಸಿ ತಿದ್ದುಪಡಿ ಮಾಡುವ ವೇಗವೇ ಪುನರುತ್ಥಾನದ ವೇಗವನ್ನು ನಿರ್ಧರಿಸುತ್ತದೆ.
ಇಂತಹ ಸಮಯಗಳಲ್ಲಿ ವಿಶ್ವಾಸಾರ್ಹ ಮ್ಯೂಚುಯಲ್ ಫಂಡ್ ಡಿಸ್ಟ್ರಿಬ್ಯೂಟರ್ ಅಥವಾ ಸಲಹೆಗಾರರ ಮಾರ್ಗದರ್ಶನ ಬಹಳ ಉಪಯುಕ್ತ.
ಹೂಡಿಕೆದಾರರ ನಿರೀಕ್ಷೆ: ಸದಾ ಟಾಪ್ Quartileನಲ್ಲಿ ಇರಬೇಕು
ಪ್ರತಿ ಹೂಡಿಕೆದಾರರೂ ತಮ್ಮ ಫಂಡ್ಗಳು ಯಾವಾಗಲೂ ಟಾಪ್ Quartile ಪ್ರದರ್ಶನ ನೀಡಬೇಕು ಎಂದು ಬಯಸುತ್ತಾರೆ.
ಆದರೆ ಇದು ಯಾವಾಗಲೂ ಸಾಧ್ಯವಿಲ್ಲ
· ಯಾವಾಗಲೂ ಮಾರುಕಟ್ಟೆ ಕನಿಷ್ಠ ಮಟ್ಟದಲ್ಲಿ ಹೂಡಿಕೆ ಮಾಡಬೇಕು
· ಫಂಡ್ನ ಕಡಿಮೆ ಮೌಲ್ಯಮಾಪನ ಹಂತದಲ್ಲಿ ಪ್ರವೇಶ
ವಾಸ್ತವದಲ್ಲಿ, ಇದು ನಿರಂತರವಾಗಿ ಸಾಧ್ಯವಿಲ್ಲ
ಸೂಚ್ಯಂಕ ಲಾಭಗಳು ಏನು ಹೇಳುತ್ತವೆ?
ದೀರ್ಘಾವಧಿಯಲ್ಲಿ, ಸುಮಾರು 90% ವಿಭಿನ್ನ ಇಕ್ವಿಟಿ ಫಂಡ್ಗಳು ತಮ್ಮ ಬೆಂಚ್ಮಾರ್ಕ್ ಸೂಚ್ಯಂಕಗಳೊಂದಿಗೆ ಸಮಾನವಾಗಿ ಚಲಿಸುತ್ತವೆ.
ಇತ್ತೀಚಿನ ಅಸಾಮಾನ್ಯ ಲಾಭಗಳು ಹೂಡಿಕೆದಾರರ ನಿರೀಕ್ಷೆಗಳನ್ನು ಇನ್ನೂ ಹೆಚ್ಚು ಮಾಡಿದ್ದಾವೆ
ಉದಾಹರಣೆಗೆ, ಮಾರ್ಚ್ 2020 ರ COVID-19 ಕುಸಿತದ ಸಮಯದಲ್ಲಿ ಹೂಡಿಕೆ ಮಾಡಿದವರು ಅದ್ಭುತ ಲಾಭಗಳನ್ನು ಅನುಭವಿಸಿದರು. ನಿಫ್ಟಿ 50 ಜನವರಿ 20, 2026ರವರೆಗೆ 20% ಕ್ಕೂ ಹೆಚ್ಚು ವಾರ್ಷಿಕ ಲಾಭ ನೀಡಿತು.
ಆದರೆ ಡಿಸೆಂಬರ್ 2020ರಲ್ಲಿ ಪ್ರವೇಶಿಸಿದವರು 2026ರವರೆಗೆ ಸುಮಾರು 12% ಲಾಭ ಪಡೆದರು. ಇದು ಯುಕ್ತವಾದ ಲಾಭ ವಾದರೂ, ಆದರೆ ಕಡಿಮೆ ಉತ್ಸಾಹಕರವಾಗಿತ್ತು.
ಒಂದೇ ಮಾರುಕಟ್ಟೆ. ಒಂದೇ ಆಸ್ತಿ. ಬೇರೆ ಆರಂಭಿಕ ಬಿಂದು ಗಳು. ಆದ್ದರಿಂದ ಬೇರೆ ಬೇರೆ ಫಲಿತಾಂಶ ಗಳು.
ಅಸಾಮಾನ್ಯ ಪರಿಸ್ಥಿತಿಗಳು ಅಸಾಮಾನ್ಯ ಲಾಭಗಳನ್ನು ಉಂಟುಮಾಡುತ್ತವೆ. ಅವುಗಳನ್ನು ಸಾಮಾನ್ಯ ಮಾನದಂಡವಾಗಿ ಬಳಸುವುದು ನಿರಾಶೆಗೆ ಕಾರಣವಾಗಬಹುದು.
ದೀರ್ಘಾವಧಿ ದೃಷ್ಟಿಕೋನ ಮುಖ್ಯ
10 ವರ್ಷ ಅಥವಾ ಅದಕ್ಕಿಂತ ಹೆಚ್ಚಿನ ಅವಧಿಯಲ್ಲಿ, ಭಾರತೀಯ ಇಕ್ವಿಟಿ ಮಾರುಕಟ್ಟೆ ಸರಾಸರಿ 11–13% ವಾರ್ಷಿಕ ಲಾಭ ನೀಡಿದೆ.
ವೈವಿಧ್ಯಮಯ ಇಕ್ವಿಟಿ ಫಂಡ್ಗಳು ಮಾರುಕಟ್ಟೆಯನ್ನು ಸೋಲಿಸಲು ಅಲ್ಲ; ಜಾಣ್ಮೆಯಿಂದ ಪಾಲ್ಗೊಳ್ಳಲು ವಿನ್ಯಾಸಗೊಳಿಸಲ್ಪಟ್ಟಿವೆ.
ಫಂಡ್ ಮ್ಯಾನೇಜರ್ರ ಶಿಸ್ತು, ಆಸ್ತಿ ಹಂಚಿಕೆ ಮತ್ತು ಚಕ್ರಗಳಲ್ಲಿ ಸಮತೋಲನ ಸಾಧಿಸುವ ಸಾಮರ್ಥ್ಯವೇ ಕ್ರಮೇಣ ಹೆಚ್ಚುವರಿ ಮೌಲ್ಯ ನೀಡುತ್ತದೆ.
ಹೂಡಿಕೆದಾರರಿಗೆ ಒಂದು ಸಂದೇಶ ಸರಳ: ಮಾರುಕಟ್ಟೆಯ ಬೆಳವಣಿಗೆಗೆ ಹೊಂದಿಕೊಂಡ ಲಾಭ, ಕೆಲವು ವರ್ಷಗಳಲ್ಲಿ ಮೇಲು, ಕೆಲವು ವರ್ಷಗಳಲ್ಲಿ ಕೆಳಗೆ ಇರುತ್ತವೆ. ಪ್ರತಿವರ್ಷವೂ ಅಸಾಧಾರಣ ಲಾಭ ನಿರೀಕ್ಷಿಸುವ ಅಗತ್ಯವಿಲ್ಲ.
ನಿಜವಾದ ಅಪಾಯ: ಇತ್ತೀಚಿನ ಪ್ರದರ್ಶನ ಮತ್ತು ಸ್ಟಾರ್ ರೇಟಿಂಗ್ ಆಧಾರಿತ ಬದಲಾವಣೆ
ಸ್ಟಾರ್ ರೇಟಿಂಗ್ ಮತ್ತು “ಟಾಪ್ performing ಫಂಡ್” ಪಟ್ಟಿಗಳು ಹೂಡಿಕೆದಾರರನ್ನು ಆಕರ್ಷಿಸುತ್ತವೆ.
ಇದರ ಪರಿಣಾಮ:
· ಚೆನ್ನಾಗಿ ಪ್ರದರ್ಶನ ನೀಡಿದ ನಂತರ ಪ್ರವೇಶ
· ತಾತ್ಕಾಲಿಕ ಕುಸಿತದಲ್ಲಿ ನಿರ್ಗಮನ
ನಾವು ನೆನಪಿಡಬೇಕಾದ ಅಂಶವೇನೆಂದರೆ ಮಾರುಕಟ್ಟೆಯೇ ಲಾಭವನ್ನು ನಿರ್ಧರಿಸುತ್ತದೆ. ಫಂಡ್ ಮ್ಯಾನೇಜರ್ರು ಕ್ರಮೇಣ ಹೆಚ್ಚುವರಿ ಮೌಲ್ಯ ಸೇರಿಸುತ್ತಾರೆ.
ಫಂಡ್ ವಿಮರ್ಶೆ ಮಾಡುವ ಸಮಂಜಸ ವಿಧಾನ
ನೀವು mutual fund schemeನಿಂದ ನಿರ್ಗಮಿಸುವ ಮೊದಲು ಮೂರು ಪ್ರಶ್ನೆಗಳು ಕೇಳಿ:
- ಫಂಡ್ ನನ್ನ ಹೂಡಿಕೆಯ ಉದ್ದೇಶದಿಂದ ವಿಚಲಿತವಾಗಿದೆಯೇ?
- ಫಂಡ್ ಮ್ಯಾನೇಜರ್ ಅಥವಾ ಹೂಡಿಕೆ ಪ್ರಕ್ರಿಯೆಯಲ್ಲಿ ಮೂಲಭೂತ ಬದಲಾವಣೆ ಆಗಿದೆಯೇ?
- ನನ್ನ ಗುರಿ, ಅವಧಿ ಅಥವಾ ಅಪಾಯ ಸಹಿಷ್ಣುತೆ ಬದಲಾಗಿದೆಯೇ?
ಮೂರುಕ್ಕೂ ಉತ್ತರ “ಇಲ್ಲ” ಎಂದಾದರೆ, ಅಲ್ಪಾವಧಿ ಅಂಡರ್ಪರ್ಫಾರ್ಮೆನ್ಸ್ ಹೂಡಿಕೆ ಪ್ರಯಾಣದ ಭಾಗವಾಗಿರಬಹುದು.
ಸಂಪತ್ತು ನಿರ್ಮಾಣ ವಾಗುವುದು ವರ್ತನೆಯಿಂದ, ಬದಲಾವಣೆಗಳಿಂದಲ್ಲ
ಯಶಸ್ವಿ ಹೂಡಿಕೆ ಎಂದರೆ ಯಾವಾಗಲೂ “ಅತ್ಯುತ್ತಮ ಫಂಡ್” ನ್ನು ಹಿಡಿದುಕೊಳ್ಳುವುದಲ್ಲ.
ಅದು ಅನಿಶ್ಚಿತ ಹಂತಗಳಲ್ಲಿ ಶಿಸ್ತಿನಿಂದ ಉಳಿಯುವುದೂ, ಚಕ್ರಬಡ್ಡಿ ಯ ಪ್ರಯೋಜನ ಮಡೆದುಕೊಳ್ಳುವುದು ಆಗಿದೆ.
ಹೆಚ್ಚಿನ ಸಂದರ್ಭಗಳಲ್ಲಿ, ಹೂಡಿಕೆದಾರನು ತೆಗೆದುಕೊಳ್ಳಬಹುದಾದ ಅತ್ಯಂತ ಬುದ್ಧಿವಂತ ನಿರ್ಧಾರ ಏನೆಂದರೆ – ಯಾವುದೇ ಕ್ರಮ ಕೈಗೊಳ್ಳದೆ, ಸಮಯವನ್ನು ತನ್ನ ಪರವಾಗಿ ಕೆಲಸ ಮಾಡಲು ಬಿಡುವುದು.
Shreedhara is the Founder & Director of Ara Financial Services Pvt. Ltd. He has an experience of over 2 decades in Financial Service Industry with majority of it in guiding individuals and institutions on their investments requirements.
